“Gözəlçə” kult filmində Riçard Girdən başqa kiminsə baş rolu oynadığını təsəvvür etmək çətindir. Bununla belə, aktyor 1990-cı ildə çəkilmiş bu romantik komediya filmində çəkilməkdən imtina edibmiş.
Azpost.info bildirir ki, bu barədə 75 yaşlı Gir “The Hollywood Reporter’s Awards Chatter” podkastında aparıcı Scott Feinbergə müsahibsəində deyib: “Mən bu filmlə çox fəxr edirəm. Həm də bu filmə görə minnətdaram. Çünki o, mənə bir çox başqa şeylər etməyə imkan verdi”.
Lakin Gir etiraf edib ki, o, əvvəlcə filmi, xüsusən də ondan oynaması xahiş edilən varlı iş adamı Edvard Lyuis obrazını anlaya bilməyib.
“Orada heç bir xarakter yox idi. Mən ssenarini oxudum və dedim ki, bu mənim üçün olan rol deyil”deyən aktyorun sözlərinə görə, Edvard haqqında ilk təəssürat obrazın sadəcə “kostyum” təsiri bağışlaması olub.
O, rejissor Harri Marşalla görüşündə də əvvəlcə özünü “öz qabında hiss etməyib”, çünki Gir həqiqətən də filmə çəkilmək istəmirdi.
“Biz ssenari haqqında danışmağa başladıq. Mən dedim:” Qulaq as, mən axı burada personajı görmürəm “-deyə Gir xatırlayıb. Marşall cavabında “gəlin onu tapaq” deyib.
Marşal həmçinin Giri artıq digər baş rol olan Vivian Uord rolunda çəkilmiş Culiya Robertslə görüşməyə inandırıb. Hətta rejissor gənc aktrisa ilə görüşdükdən 45 dəqiqə sonra kabinetinə zəng edərək onun haqqında nə düşündüyünü öyrənib.
“Mən dedim ki, o, cazibədardır. O, əladır”. Mən onunla danışarkən Cuilya kağıza “lütfən, hə deyin” yazdı. Mən dahanecə yox deyə bilərdim?”-deyə Gir vurğulayıb.
Film tamaşaçılar arasında böyük uğur qazandı. Romantik komediya janrının klassikinə çevrildi. Culiya Roberts hətta Vivian roluna görə ikinci Oskar nominasiyasını da alıb.
Azpost.info
