Müxtəlif ölkələrin, o cümlədən Orta Asiya ölkələrinin insan haqları təşkilatları Avropa İttifaqı Şurasının prezidenti Şarl Mişelə birgə müraciət imzalayıblar.
Azpost.info xəbər verir ki, bir sıra hüquq müdafiə təşkilatları Mişeli Orta Asiya ölkələrində insan hüquqlarının pozulmasına diqqət yetirməyə və Aİ-nin region ölkələri ilə tərəfdaşlığının daha da gücləndirilməsinin şərti kimi insan haqlarının vəziyyətinin yaxşılaşdırılması üçün konkret addımlar tələb etməyə çağırır.
Birgə müraciət İnsan Hüquqları üzrə Beynəlxalq Tərəfdaşlıq (IPHR), İnsan Hüquqları və Qanunun Aliliyi üzrə Qazaxıstan Beynəlxalq Bürosu, Legal Prosperit Foundation (Qırğızıstan), İnsan Hüquqları üzrə Türkmən Təşəbbüsü və “Orta Asiyada İnsan Hüquqları” (Fransa) Assosiasiyası tərəfindən imzalanıb.
Şarl Mişeli regionda ötən il baş vermiş siyasi böhranlarla bağlı ciddi insan hüquqları pozuntularına görə cavabdeh olanların hamısının məsuliyyətə cəlb edilməsinin vacibliyini vurğulamağa çağırıblar.
Onlar hesab edirlər ki, Qazaxıstanda, Tacikistanın Dağlıq Bədəxşan Muxtar Vilayətində və Özbəkistanın Qaraqalpaqıstan Respublikasında kütləvi etirazları və bundan sonra baş verən iğtişaşları yatırılması zamanı üç ölkənin hakimiyyət orqanları yol verilmiş qanun pozuntuları ilə bağlı iddiaların hərtərəfli və müstəqil şəkildə araşdırılması üçün heç bir təsirli addım atmayıb və günahkarlar məsuliyyətə cəlb olunmayıb.
İyunun 2 və 3-də Qırğızıstanın Çolpon-Ata şəhərində Orta Asiya-Avropa İttifaqının sammiti keçiriləcək. Bu, region ölkələrinin liderləri ilə Avropa Şurasının prezidenti Şarl Mişelin ikinci görüşüdür. Birincisi 2022-ci il oktyabrın 27-də Astanada baş tutub.
Gündəliyə Orta Asiya ölkələri ilə Avropa İttifaqı arasında dialoqun inkişafı və qarşılıqlı fəaliyyətin genişləndirilməsi məsələləri daxildir.
Azpost.info
