Gürcüstanın biznes ombudsmanı və müavini istefa verib

11 Noyabr 2019 - 14:38

Gürcüstanın biznes ombudsmanı İrakli Lekvinadze istefa verib.

“Report”un yerli bürosunun məlumatına görə, biznes ombudsmanla yanaşı onun müavini Levan Kalandadze də vəzifəsini tərk edib.

İ.Lekvinadze və müavini noyabrın 8-də işdən çıxmaqla bağlı ərizə yazıblar.

Qeyd edək ki, İ.Lekvinadze 2018-ci ilin yanvarından Gürcüstanın biznes ombudsmanı vəzifəsini tuturdu. Qonşu ölkədə biznes ombudsmanı baş nazir təyin edir.