ABŞ-ın Rusiyadakı keçmiş səfiri Con Sallivan prezident Vladimir Putinin səhhətinin pis olması ilə bağlı xəbərlərə etibar etmədiyini deyib.
Azpost.info xəbər verir ki, o, bu barədə “The Foreign Policy” nəşrinə müsahibəsində bildirib.
Sallivanın sözlərinə görə, müxtəlif ölkələrin liderlərinin səhhətinin qiymətləndirilməsində səhvlər ABŞ kəşfiyyatı üçün qeyri-adi hal deyil.
Diplomatın dediyinə görə, 2021-ci ildə Putinlə şəxsi görüşləri zamanı Rusiya prezidentinin səhhətində nəzərəçarpacaq problem olmayıb: “Hər dəfə onu görəndə düşünürdüm ki, tezliklə 70 yaşı tamam olacaq, o, əla görünür”.
Keçmiş səfir onu da əlavə edib ki, 2022-ci ildə Putini yaxından görmək imkanı olmayıb. Onun fikrincə, prezidentin xarici görünüşündə dəyişikliklər stressin təsiri ilə bağlıdır.
Azpost.info
