Hacı Zeynalabdin Tağıyevin İstanbuldakı villası satışa çıxarıldı –

FOTO
05 Dekabr 2019 - 13:44

Azərbaycanlı mesenat Hacı Zeynalabdin Tağıyevin İstanbul sahillərindəki Böyükadada yerləşən tarixi villası satışa çıxarılıb. Virtualaz.org Türkiyə KİV-nə istinadən xəbər verir ki,  rekord məbləğ-17 milyon lirə dəyərləndirilən 300 illik  malikanəyə xeyli müştəri çıxıb. 

Mətbuatın yazdığına görə, malikanənin yerləşdiyi İstanbul boğazında bənzərsiz gözəlliyi ilə diqqət çəkən tarixi binalar çoxdur. Artıq xeyli müddətdir ki, həm yerli, həm də əcnəbi zənginlər burada villa axtarışındadırlar. Olduqca yüksək satış qiymətləri olan bu malikanələrdən  sonuncu satışa çıxarılanı Hacı Zeynalabdin Tağıyevə məxsusdur.

Birinci dərəcəli tarixi abidə sayılan malikanə Osmanlı dövründə tikilib, sonra isə azərbaycanlı iş adamı Hacı Zeynalabdin Tağıyev tərəfindən alınıb. Villa ilin müəyyən aylarında messenatın nəticələri tərəfindən istifadə edilir. Ərazisi 2 miin  400 kvadratmetrdir. 5 otaq və 2 salondan ibarətdir.  (Virtualaz.org)