Alimlər hansı pəhrizin tez arıqlamağa kömək etdiyini müəyyən ediblər.
Azpost.info bildirir ki, Danimarkadan olan mütəxəssislər bununla bağlı yeni məlumatları paylaşıblar.
Cəmi üç aylıq vegeterian pəhrizi təxminən yeddi kiloqram arıqlamağa imkan verir. Bunu Steno Diabet Mərkəzinin (Kopenhagen, Danimarka) mütəxəssisləri bildirib.
Alimlər 800-ə yaxın insanın iştirak etdiyi 11 klinik sınaqların nəticələrinin sistematik təhlilini və meta-analizini aparıblar. İştirakçıların orta yaşı 48 ilə 61 arasında dəyişib. Onların hamısı artıq çəki, piylənmə, və ya 2-ci tip diabetdən əziyyət çəkirmiş.
Bu tədqiqatlarla vegeterian pəhrizinin və digər pəhriz növlərinin, o cümlədən Aralıq dənizi pəhrizinin bədən kütləsi indeksinə və kardiometabolik xəstəlik risk faktorlarına təsirini müqayisə edilib.
Nəticədə məlum olub ki, digər pəhrizlərlə müqayisədə vegan pəhriz, yəni ət məhsullarından tamamilə imtina üç ay ərzində təxminən dörd kiloqram arıqlamağa imkan verir.
Bundan əlavə, vegeterian pəhriz qanda qlükoza və xolesterin səviyyəsinə müsbət təsir göstərir. Buna görə də piylənmə və 2-ci tip diabetli insanlar üçün tövsiyə oluna bilər. Amma veqanizm qan təzyiqinə və qanda trigliserid (yağ) səviyyəsinə təsir etmir.
Azpost.info
