HƏMAS-ın hərbi qanadı üç-dörd ay davam edən hərbi əməliyyatlara kifayət edəcək qədər yanacaq, ərzaq və dərman ehtiyatı yığıb.
Azpost.info xəbər verir ki, “The New York Times” bunu adı açıqlanmayan ərəb və Qərb rəsmilərinə istinadən yazır.
Nəşr qeyd edir ki, Fələstin hərəkatındakı döyüşçülərin sayı 35-40 min nəfər arasında qiymətləndirilir.
“HƏMAS-ın nəqliyyat vasitələri və raketlər üçün təxminən 380 min litr yanacağı, döyüş sursatı anbarları, daha çox istehsal üçün partlayıcı maddələri, qida, su və dərman təchizatı var. HƏMAS uzunmüddətli döyüşlər üçün lazım olan hər şeyi saxlayan kilometrlərlə yeraltı tunellər tikib. Bu, İsrailin Qəzzada quru əməliyyatında üzləşməli olacağı reallıqdır.”, – mənbə bildirib.
Adı açıqlanmayan Livan rəsmisi də qəzetə bildirib ki, HƏMAS döyüşçüləri yeraltı bunkerlərdə öz silahlarını istehsal etməyi və onları İsrailin müasir müşahidə sistemlərindən gizlətməyi öyrəniblər.
Azpost.info
