Moskvada HƏMAS-la danışıqlar zamanı Qəzzada əcnəbi girovların dərhal azad edilməsi müzakirə olunub.
Azpost.info xəbər verir ki, bu barədə Rusiya XİN-dən bildiriblər.
Daha əvvəl Rusiya xarici işlər nazirinin müavini Mixail Boqdanov Qətərdə HƏMAS-ın siyasi rəhbərliyi ilə təmaslar barədə məlumat vermişdi. Onun sözlərinə görə, görüşdə girovlarla bağlı məsələ də müzakirə olunub.
Bundan başqa, o bildirib ki, Fələstin prezidenti Mahmud Abbas yaxın vaxtlarda Vladimir Putinlə danışıqlar aparmaq üçün Moskvaya səfər edəcək.
Qeyd edək ki, HƏMAS-ın Siyasi Bürosunun üzvü Əbu Mərzukun başçılıq etdiyi nümayəndə heyəti Moskvaya gəlib. Bu arada, İran xarici işlər nazirinin müavini Əli Baqeri də Rusiya xarici işlər nazirinin müavini Mixail Qaluzinlə görüşmək üçün Moskvada səfərdədir.
Azpost.info
