HƏMAS və İsrail Qəzza zolağında girovların azad edilməsi və atəşkəsin yaradılması ilə bağlı razılığa gəlib.
AzPost bildirir ki, bu barədə Qətərin baş naziri Məhəmməd bin Əbdülrəhman bin Casim Al Tani bildirib.
Onun sözlərinə görə, Qəzza zolağında atəşkəs razılaşması yanvarın 19-dan qüvvəyə minəcək.
Qəzza zolağında atəşkəs razılaşmasının birinci mərhələsi 42 gün davam edəcək və bu müddət ərzində növbəti mərhələnin şərtləri müəyyənləşəcək.
Qətərin baş naziri HƏMAS-ın İsraillə razılaşmanın birinci mərhələsində 33 girovu azad edəcəyini təsdiqləyib. Vasitəçilər İsrail qoşunlarının Qəzza zolağından tam çıxarılmasını təmin etmək üçün danışıqların davam etdirilməsinin təminatçısı kimi çıxış edirlər.
