“Ukrayna prezidenti Vladimir Zelenski Hindistanda keçiriləcək G20 sammitinə dəvət olunmayıb, çünki burada qlobal təhlükəsizlik deyil, enerji, gübrə və qida müzakirə olunur”.
Azpost.info xəbər verir ki, bunu Hindistanın xarici işlər naziri Subramanyam Caişankar bildirib.
“Bu, enerji, gübrə, ərzaq təminatı problemlərini müzakirə etmək üçün sammitdir. Bu, BMT Təhlükəsizlik Şurası deyil, G20-dir. G20 qlobal təhlükəsizlik məsələləri ilə məşğul olmur. Buna görə belə qərar verdik”, – XİN rəhbəri deyib.
Sentyabrın 9-10-da Yeni Dehlidə sammitin keçirilməsi planlaşdırılır, bundan sonra sədrlik Braziliyaya keçəcək.
Azpost.info
