“Ukraynadakı münaqişə sülhdən çox uzaqdır”.
Azpost.info xəbər verir ki, bunu BMT Baş katibi Antonio Quterreş bildirib.
Onun sözlərinə görə, BMT nümayəndələri bu məsələdə irəliləyiş əldə etməyə çalışırlar. Bununla belə, hazırda tərəflər sülh müqaviləsi imzalamaqdan uzaqdırlar: “Ukrayna və Rusiyadan ərzaq və gübrə ixracını asanlaşdırmaqda bacardığımız qədər irəliləyiş əldə edirik. Lakin biz beynəlxalq hüquqa və BMT Nizamnaməsinə uyğun olaraq sülhdən uzağıq”.
Baş katib deyib ki, Ukrayna böhranı ərzaq qiymətlərinin, enerji resurslarının, həmçinin mürəkkəb logistika zəncirlərinin artmasına səbəb olub.
Quterreş etiraf edib ki, bu, bütün həyatı boyu gördüyü ən çətin geosiyasi vəziyyətdir: “Düşünürəm ki, bu, həyatımda qarşılaşdığım ən pis vəziyyətdir”.
Azpost.info
