İlon Maskın
Qüdrətli biznesmenlərin və siyasətçilərin “gizli klubu” adlanan qurum genişlənməyə başlayıb. Dialoq təşkilatı Vaşinqtondan çox da uzaq olmayan ABŞ-da daşınmaz əmlak almağa hazırlaşır.
AzPost bildirir ki, bu barədə Axios portalı mənbələrə istinadən məlumat yayıb.
Məlum olduğu kimi, texnoloji dövrün “Bilderberq Klubu” adlandırılan, vaxtilə milyarder Peter Til tərəfindən qurulan Dialoq təşkilatıdır. Planetin ən varlı adamlarının onun çərçivəsində toplaşdığı hesab olunur. Bu toplantılara o cümlədən top menecerlər, siyasətçilər və ziyalılar yığılır. İndi isə təşkilat genişlənməyə hazırlaşır.
Axios-a görə, “Dialoq” görüşlər keçirmək üçün Vaşinqtonda daşınmaz əmlak almaq istəyir. Nəşrin fikrincə, səmimi şəxsi dialoqlar dünyada baş verən daimi dəyişikliklər fonunda aktuallaşır.
Axios yazır: “Dialoq dünya elitasına ideoloji fərqlərdən asılı olmayaraq, smartfonlar və sosial şəbəkələr, xəbər mediası və maraqlı tərəflərin təzyiqi olmadan səmimi ünsiyyət qurmaq imkanı verir”.
Eyni zamanda, Dialoq təşkilatının tərkibinə konkret olaraq kimin daxil olduğu məlum deyil. Agentliyin məlumatına görə, iştirakçılar arasında sahibkar İlon Mask, ABŞ-ın maliyyə naziri Skot Bessent və Avropa diplomatiyasının rəhbəri Kaya Kallas var.
