İndoneziya məhkəməsi general Napoleon Bonapartı 4 il azadlıqdan məhrum edib

11 Mart 2021 - 01:36

İndoneziya polisinin general-müfəttişi Napoleon Bonapart korrupsiya əməllərində ittiham olunaraq 4,5 il həbs cəzasına məhkum edilib.

Bu barədə “Jakarta Globe” qəzeti məlumat yayıb.

İttihamçıların məlumatına görə, yüksək çinli hüquq-mühafizə orqanı zabiti 370 min ABŞ dolları və 200 min Sinqapur dolları rüşvət alıb. Bunun müqabilində o, dələduzluq ittihamı ilə axtarılan bir nəfərin ölkəyə qayıtmasına köməklik göstərib.

Cinayət işində adı keçən digər yüksək rütbəli şəxs briqada generalı Prasetico Utomo 3,5 il müddətinə həbs cəzası alıb. Hər iki generalın dələduzluq üzrə axtarışda olan şəxsin adını İnterpolun axtarış siyahısından çıxardığı bildirilir.

General Bonapart bütün ittihamları qəti şəkildə rədd edərək, hökmdən apellyasiya şikayəti verəcəyini bildirib.(APA)