Qanın lipid tərkibinə, yəni pis və yaxşı xolesterinin səviyyəsinə nəzarət etməklə özünüzü infarktdan qoruya bilərsiniz.
Azpost.info xəbər verir ki, bunu tibb mütəxəssisləri bildirir.
Belə ki, göstəricilər normal dəyərlərə uyğun olmalıdır. Qan damarlarının divarlarında iltihabın ilk əlamətləri görünəndə lazımi müalicəni təyin edəcək bir həkimə müraciət etməlisiniz.
Mütəxəssislər həmçinin qan təzyiqinin monitorinqini və heyvan mənşəli yağların istehlakını məhdudlaşdırmağı tövsiyə edir.
Müayinə zamanı həkim qan lipid tərkibinin normal səviyyədə olmadığını və qan damarlarının divarlarında iltihab əlamətləri görsə, xolesterolu azaltmaq, qan damarlarının divarlarında iltihabı aradan qaldırmaq üçün dərmanlar təyin edəcək. Bu dərmanları qəbul etmək lazımdır.
Bundan başqa, ildə ən azı bir dəfə xolesterol səviyyənizi yoxlamaq tövsiyə olunur. 40 yaşdan yuxarı şəxslər isə ildə iki dəfə müayinədən keçməlidirlər.
Azpost.info
