“Müvafiq infrastrukturun tam gücü ilə işləməməsi bir sıra ciddi fəsadlar və itkilərlə nəticələnib”.
Azpost.info bildirir ki, bu sözləri Baş nazir Əli Əsədov Nazirlər Kabinetində yağışın fəsadları barədə keçirilən iclasda bildirib.
Baş nazir yağıntıların normadan artıq olması kimi obyektiv səbəblə yanaşı, subyektiv səbəblərin də mövcudluğunu vurğulayıb, müvafiq infrastrukturun tam gücü ilə işləməməsinin bir sıra ciddi fəsadlar və itkilərlə nəticələndiyini deyib.
İclasda hazırda ziyan dəymiş infrastrukturun fəaliyyətinin bərpası üçün zəruri tədbirlərin görüldüyü, vəziyyətin araşdırıldığı və nəticələrin aradan qaldırılmasından sonra yekun qərarların qəbul ediləcəyi diqqətə çatdırılıb.
