İnsan alverinə qarşı mübarizə sahəsində təbliğat, maarifləndirmə yeni çağırışları nəzərə almalıdır.
Zaur İbrahimli: “Rəqəmsal platformalar və alətlər cinyətkarlar üçün əsas vasitəyə çevrilib və QHT-lər insan alverinə qarşı mübarizə sahəsində maariflənidrmə, məlumatlandırma fəaliyyətini bu gerçəkliyə uyğun təşkil etməlidirlər”
“Azərbaycanda son illər insan alverinə qarşı mübarizə siyasəti daha da təkmilləşərək müasir çağırışlara cavab verir. Azərbaycanın bu sahədə əldə etdiyi nailiyyətlər beynəlxalq hesabatlarda əks olunur. ABŞ Dövlət Departamentinin 2022-ci ilin iyun ayında insan alverinə qarşı mübarizəyə dair yayımladığı hesabatda ölkəmiz bir pillə irəliləyərək ikinci sıra ölkələr siyahısında yer tutub, sənəddə ölkəmizin fəaliyyəti təqdir olunub. Həmçinin, 2023-cü ildə Avropa Şurasının İnsan alverinə qarşı mübarizə üzrə Ekspert Qrupun (GRETA) Azərbaycan tərəfindən Avropa Şurasının İnsan alverinə qarşı mübarizə haqqında Konvensiyasının icrası ilə əlaqədar üçüncü hesabatını açıqlayıb.
Hesabatda qeyd edilir ki, Azərbaycanda son illər insan alverinə qarşı mübarizə siyasətində nəzərəçarpacaq irəliləyişlər əldə edib. Xüsusən qanunverilcik və institusional baza inkişaf etidirilib, İnsan Alverinə Qarşı Mübarizə üzrə 2020-2024-cü illər üçün Milli Fəaliyyət Planı beynəlxalq bir çox tövsiyyələri nəzərə alıb. Hazırda, beynəlxalq təşkilatlar tərəfindən verilən tövsiyyələri ümumiləşdirsək, deyə bilərik ki, əsas vəzifələrdən biri mövcud siyasətin həyata keçirilməsinin monitorinq və qiymətləndirmə prosesinin təkmilləşdirilməsi, qurbanların hüquqi yardıma çıxışına və mövcud kompensasiya mexanizmləri, sığınacaqların sayının artırılması və işinin təkmilləşdirilməsidir”.
Bu barədə İnsan alverinə qarşı mübarizə üzrə QHT Koalisiyasının üzvü “Prioritet” Sosial İqtisadi Araşdırmalar Mərkəzi İB sədri Zaur İbrahimli Azpost.info-ya açıqlamasında bildirib.
Z.İbrahimli qeyd edib ki, İnsan alverinə qarşı mübarizəyə dair 2020-2024-cü illər üçün Milli Fəaliyyət Planının icrası bu il başa çatır və əldə olunan nəticələr yeni çağırışlara adekvat reaksiya verilməsini təmin edir. Xüsusən ayrı-ayrı risk faktorlarının yüksək oldğu sahələrdə monitorinqlərin aparılması, müvafiq istiqamətdə aidiyyəti yoxlayıcı qurumların vəzifələrinin dəqiqləşdirilməsi, ölkədaxili vəziyyətin təhlili və onların insan alverinin qurbanına çevrilməsi risklərinin qarşısının alınması məqsədilə qanunvericliyin təkmilləşdirilməsi, insan alverindən zərər çəkmiş şəxslərə kompensasiya ödənilməsi işinin təkmilləşdirilməsini vurğulmaq olar.
“Prioritet” Sosial İqtisadi Araşdırmalar Mərkəzi İB sədrinin fikrincə maarifləndirmə və profilaktik tədbirlərin görülməsi sahəsində düşüncə və yanaşma dəyişikliyinə ehtiyac var: “İnsan alveri ilə bağlı cinayətlərin törədilməsi metodları ciddi şəkildə dəyişib və rəqəmsallaşıb. Rəqəmsal platformalardan və alətlərdən istifadə edərək cinayətkarlar qurbanlara yeni ölkədə daha yaxşı həyat vəd etməklə, onlara böyük fayda ilə maraqlı iş təklif etməklə aldadır və zor tətbiq emtəklə cinsi istismar və ya məcburi əməyə məcbur edirlər. Həmçinin, xaricdə işdüzəltmə və təhsil xidmətləri təklif edən şirkətlər vasitəsilə insanlar aldadılır və cinayətkarların toruna düşür. Bu elanlar da, təkliflər indi rəqəmsal platformalar vasitəsilə yayılır, ilkin təmas, şirnikləşdirmə və rəqamsal alətlərlə həayata keçirirlir. Real olmayan, virtual şirkətlərlərlə insanları tora salırlar. Məhz buna görə, təbliğat, maarifləndirmə bu çağırışları nəzərə almalıdır. QHT-lər əsasən bu istiqamətlərdə insanları maarifləndirməyə fokuslanmalıdır”.
