“Prioritet” Sosial İqtisadi Araşdırmalar Mərkəzi İB Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə “İnsan alverinə qarşı mübarizə sahəsində QHT-lərin bilik və bacarıqlarının artırılması” layihəsinin icrasına başlayıb.
Layihənin əsas məqsədi insan alverinə qarşı mübarizə sahəsində QHT-lərin rolunun gücləndirilməsidir.
Layihə çərçivəsində İnsan alverinə qarşı mübarizə üzrə QHT Koalisiyası üzvləri və digər ixtisaslaşmış QHT-lər üçün rəqəmsal təbliğat bacarıqları, insan alveri qurbanlarının aşkarlanması və onlara dəstək xidmətləri göstərilməsi mövzularında hər birində 25 nəfərin iştirakı ilə 2 təlim keçirilməsi nəzərdə tutulub. Eyni zamanda İnsan alverinə qarşı mübarizə üzrə QHT Koalisiyası üzvləri üzvləri üçün institusional inkişaf mövzusunda 1 seminar keçiriləcək.
Azərbaycan və İngilis dillərində İnsan alverinə qarşı mübarizə üzrə QHT Koalisiyasının Əsasnaməsinn yeni redaksiyası, İdarə Heyəti, Nəzarət Təftiş Komissiyasının Reqlamentləri, Kommunikasiya Planı, “Maraqlar toqquşması siaysəti”, “Üzvlük siyasəti, “Etik davranış kodeksi” sənədlərinin layihələri hazırlanacaq. Həmçinin, Koalisiyasının elektron büröşurun və 6 tanıtım posterinin hazırlanması planlaşdırılır.
Layihədə “İnsan alverinə qarşı mübarizədə QHT-lərin rolunun gücləndirilməsi” mövzusunda İctimai müzakirə keçirilməsi də nəzərdə tutulub.
Layihə rəhbəri “Prioritet” Sosial İqtisadi Araşdırmalar Mərkəzi İB sədri Zaur İbrahimov bildirib ki, layihə fəaliyyətlərinin həyata keçirilməsi nəticəsində QHT-lərin insan alverinə qarşı mübarizə sahəsində sahəsində bilik və bacarıqları artacaq. – İnsan alverinə qarşı mübarizə üzrə QHT Koalisiyasının institusional potensialı artacaq, ictimiayyətlə əlaqələri,maariflədnirmə imkanları güclənəcək. Eyni zamanda Koalisiyanın beynəlxalq əməkdaşlığı inkişaf edəcək.
