Alimlər ölümdən bir müddət sonra insan bədənində hələ də müəyyən həyat əlamətlərinin olduğunu aşkar ediblər. Bu, bir neçə dəqiqə davam edir. Lakin bu əlamət alimləri çaşdırır. Bəzi mütəxəssislər hətta ölümdən sonra insanların öldüklərini və ətraflarında baş verənləri anladıqlarını iddia edirlər.
AzPost bildirir ki, bu barədə LiveScience onlayn nəşri məlumat yayıb.
LiveScience onlayn nəşrinə görə, bu nəzəriyyə Nyu-York Universitetinin Langone Tibb Məktəbinin alimləri tərəfindən irəli sürülüb.
Tədqiqat rəhbəri Sem Parnia qeyd edir ki, həkimlər ölümü ürəyin döyünməsinin dayandığı an kimi təyin edirlər. Bu, beyinə qan axınının dayandığı zaman baş verir. Bu, beyin funksiyasının demək olar ki, dərhal dayandırılmasına gətirib çıxarır. Nəticədə beyin hüceyrələri ölməyə başlayır, lakin bu, klinik ölümdən bir neçə saat sonra baş verə bilər.
Ekspert həmçinin hesab edir ki, ürək döyünməsini dayandırdıqda insan şüuru dərhal dayanmır. “Ölümün ilk mərhələsində” olan insanlar hələ də bəzi şüur əlamətləri göstərə bilərlər. Alim deyir ki, bunun əhəmiyyətli sübutları ürək dayanmasından sağ çıxan insanların klinik ölümdən sonra ətraflarında baş verənləri ətraflı təsvir edə bilməsidir. Klinik ölümdən sonra insanlar tez-tez həkimləri və tibb bacılarını gördüklərini və onların söhbətlərini tam şəkildə eşitdiklərini bildirirlər. Əslində ölmüş sayılan xəstələrin bütün bu detalları xatırlamaları təəccüblənən həkimlər tərəfindən təsdiqlənib.
