Bir çox insan həyatının müxtəlif dövrlərində eyni və ya oxşar yuxunu təkrar-təkrar gördüyünü bildirir. Psixoloqlar hesab edirlər ki, bu cür yuxular təsadüfi deyil.
Mütəxəssislərin fikrincə, təkrarlanan yuxular adətən insanın həll olunmamış emosional vəziyyəti, uzunmüddətli stress və ya narahatlığı ilə əlaqəli olur. Beyin həmin hissləri emal etməyə çalışdığı üçün oxşar ssenarilər yuxularda yenidən canlana bilər.
Araşdırmalara görə, ən çox təkrarlanan yuxular gecikmək, hündürlükdən yıxılmaq, imtahana hazır olmamaq və ya naməlum yerdə yolunu itirmək kimi mövzularla bağlı olur.
Psixoloqlar bildirirlər ki, belə yuxuların tez-tez təkrarlanması gündəlik həyatdakı stressin azaldılması və sağlam yuxu rejiminin formalaşdırılması ilə zəifləyə bilər.
