“ABŞ-ın rəhbərlik etdiyi kollektiv Qərb Rusiyaya qarşı hibrid müharibə aparmağa davam edir və ölkəni tamamilə məhv etmək üçün Ukraynaya silah tədarükünü artırır”.
Azpost.info xəbər verir ki, bunu Rusiyanın xarici işlər naziri Sergey Lavrov deyib.
“Vaşinqton və onun NATO-dakı müttəfiqləri Kiyevi kəşfiyyat məlumatları ilə təchiz edir və Ukrayna ərazilərinə xarici muzdluları cəlb edirlər. Bütün bunlar bu və ya digər dərəcədə Qərb dövlətlərini Ukraynadakı münaqişənin iştirakçısına çevirir”, – Lavrov vurğulayıb.
O əlavə edib ki, Qərb Rusiya iqtisadiyyatını çökdürmək, onun daxili siyasi sabitliyini pozmaq, Rusiya ordusunu və əsrlər boyu mövcud olan daxili dövlətçiliyi məhv etmək istəyir.
Lavrovun fikrincə, Qərb Rusiyayanın əleyhinə yönələn heç bir hərəkətə məhdudiyyət qoymur: “Məntiq ondan ibarətdir ki, əgər çoxmillətli rus xalqına nifrət edirsinizsə, o zaman sizə hər şeyə icazə verilir”.
Azpost.info
