İran öz hərbçilərinin Krımda olması və Ukraynaya qarşı hücumlarda iştirak etməsi ilə bağlı məlumatları təkzib edir.
Azpost.info xəbər verir ki, bunu İran Xarici İşlər Nazirliyinin rəsmi nümayəndəsi Naser Kənani deyib.
“Biz İran qüvvələrinin Krımda olması ilə bağlı məlumatları təkzib edirik. Media bu məlumatı diqqəti Qərbin Ukraynadakı müharibədəki dağıdıcı rolundan yayındırmaq üçün tirajlayır”, – Kənani bildirib.
O, həmçinin Ukraynadakı döyüşlərdə istifadə üçün Rusiyaya dronların göndərilməsi ilə bağlı ittihamları rədd edib.
Qeyd edək ki, Pentaqonun rəsmi nümayəndəsi Con Kirbi Vaşinqtonun İrana yeni sanksiyalar tətbiq etməyi düşündüyünü deyib. Onun sözlərinə görə, İran hərbçiləri ruslara Krımdan pilotsuz təyyarələrin buraxılmasına kömək ediblər.
Azpost.info
