İran Prezidenti Rəisinin qəzaya uğramış helikopterinin qalıqları tapılıb.
Bunu Qızıl Aypara Cəmiyyətinin rəhbəri Pirhüseyn Kulivənd İran Dövlət Televiziyasına açıqlamasında deyib.
“Helikopterin qalıqları tapıldı, biz helikopterə doğru irəliləyirik. Hava şəraiti yaxşı deyil”,-deyə, o bildirib.
İRNA-nın məlumatına görə, Pirhüseyn Kulivənd bildirib ki, Qızıl Ayparanın axtarış-xilasetmə qrupları prezidenti daşıyan helikopterin olduğu yerə çatıblar. Taval kəndindəki vertolyot axtarış zonasında müasir və xüsusi avadanlıqla təchiz edilmiş 73 xilasetmə qrupu var.
Akıncı pilotsuz uçan aparatı İran prezidentinin helikopterinin qalıqları olduğu güman edilən istilik mənbəyi aşkar edib. Koordinatlar aidiyyatı qurumlara təhvil verilib.
Dağıntıları aşkar etdikdən sonra xilasedicilər onların iki kilometr aralıda olduğunu bildiriblər.
Reuters İran rəsmisinə istinadən xəbər verir ki, Rəisinin helikopter qəzasında sağ qalma ehtimalı azdır.
İran rəsmisi Reuters agentliyinə bildirib ki, İran prezidentinin helikopteri sərt eniş zamanı tamamilə yanıb.
Fotodan göründüyü kimitəyyarə qayaya çırpılaraq alovlanıb – qəza zamanı helikopter tamamilə yanıb. Hazırda qəzadan sağ qalanlar barədə məlumat yoxdur. Ölkə prezidentini tapmaq üçün 11 saatdan çox vaxt lazım olub.
Helikopter Taval kəndindən 30 kilometr aralıda tapılıb. Hazırda orada xüsusi texnika ilə 73 xilasetmə qrupu var.
