İnternetdə Rusiyanın müasir Mi-28NE hücum helikopterlərinin (Qərbdə “Havoc” adı ilə tanınır) İrana təhvil verilməsini təsdiqləyən ilk görüntülər ortaya çıxıb.
AzPost bildirir ki, Amerikanın profil nəşri olan TWZ-nin məlumatına görə, bu çatdırılma İran ordusu aviasiyasında Amerika texnologiyasının dominantlığı dövrünün sona çatdığını göstərir.
“Kobra” dövrünün sonu
Təxminən yarım əsr ərzində İranın zərbə qüvvələrinin əsasını İslam İnqilabından əvvəl Vaşinqtondan alınan AH-1J International Cobra helikopterləri təşkil edirdi. Bu günsanksiyalar və aşınma səbəbindən bu helikopetrləri işlək vəziyyətdə saxlamaq Tehran üçün faktiki olaraq qeyri-mümkün olub.
Mi-28NE onları tamamilə fərqli bir platforma kimi əvəz edir.
Rusiya helikopterləri xeyli dərəcədə daha yaxşı zirehlidir və hava hücumundan müdafiə sistemlərindən qorunur. Döyüş Gücünə görə, təyyarə köhnəlmiş “Kobra”larla müqayisədə xeyli çox yük (raketlər və mərmilər) daşıya bilir. Yeni təyyarələr radarlar və infraqırmızı qüllələrlə təchiz olunub. Bu da onların sıfır görünmə şəraitində və istənilən hava şəraitində effektiv şəkildə fəaliyyət göstərməsinə imkan verir.
Sifariş edilən təyyarələrin dəqiq sayı və onların tam xüsusiyyətləri gizli saxlanılır. Lakin TWZ müşahidəçiləri fotoşəkillərdə vacib bir detala diqqət yetiriblər: İran Mi-28-ləri bir çox digər ixrac versiyalarında olmayan mərkəzə quraşdırılmış radarla təchiz olunub. Bu, Tehrana hədəf aşkarlamasında əhəmiyyətli bir üstünlük verir.
Fotoşəkillərdə vertolyotların qismən sökülmüş şəkildə (ehtimal ki, daşınma və ya yığılma zamanı) görünməsinə baxmayaraq, mütəxəssislər deyri ki, bu təyyarələrin hətta az sayda olması belə İran arsenalına “əhəmiyyətli bir əlavə”dir..
İranın bu helikopterləri əldə etməsi sadəcə donanmasının təkmilləşdirilməsi deyil, həm də çəkindirici amildir.
Tehran bu təyyarələrdən hucumları dəf etmək üçün istifadə edəcək. Təkmilləşdirilmiş gecə döyüş imkanları vertolyotları potensial quru hücumlarını dəf etmək üçün ideal hala gətirir. Bundan başqa analitiklər Mi-28-in yüksək manevr qabiliyyəti və güclü silahlanmasının rejimə qarşı daxili təhdidləri yatırmaq üçün istifadə edilə biləcəyini istisna etmirlər.
