İran və Rusiya arasında strateji tərəfdaşlıq haqqında müqavilə üzərində iş aprel ayında yekunlaşacaq.
Azpost.info RİA-ya istinadən bildirir ki, bu sözləri Moskvada səfərdə olan İran XİN rəhbəri Hüseyn Əmir Abdullahian həmkarı Sergey Lavrovla görüşü zamanı bildirib.
Onun sözlərinə görə, saziş müqaviləsinin razılaşdırılması final mərhələsindədir. XİN başçısı deyib ki, iki ölkə arasında münasibətlər inkişaf edir və hər iki dövlətin liderləri mütəmadi təmasdadırlar.
İran XİN rənbəri bildirib ki, strateji tərəfdaşlıq haqqında sazişin layihəsi gələn ay tam olaraq razılaşdırılacaq: “Ümid edirəm ki, gələn ay XİN-in hüquq departamentləri saziş layihəsini razılaşdıracaqlar”.
Abdullahian vurğulayıb ki, ölkələr saziş imzalanmasının final mərhələsindədirlər.
Azpost.info
