İran XİN başçısı Lavrova zəng vurdu, İsraillə bağlı müzakirə aparıldı

Aprelin 13-də Rusiyanın xarici işlər naziri Sergey Lavrov və İranın xarici işlər naziri Hüseyn Əmir Abdullahiyan arasında telefon danışığı olub.

Azpost.info bildirir ki, bu barədə Rusiya Xarici İşlər Nazirliyinin mətbuat xidməti xəbər verir. Telefon danışığı İran tərəfinin təşəbbüsü ilə baş tutub.

Əsas diqqətin Yaxın Şərqdəki vəziyyətə yönəldiyi qeyd edilir.

“Rusiya bir daha İsrailin aprelin 1-də İranın Dəməşqdəki konsulluğuna hava hücumunu kəskin şəkildə pislədiyini vurğulayıb. Toxunulmazlığı müvafiq Vyana Konvensiyaları ilə təmin edilən diplomatik və konsulluq obyektlərinə edilən istənilən hücumun siyasi qətllər kimi qəti şəkildə qəbuledilməz olduğu vurğulanıb”-deyə məlumatda deyilir.

Beynəlxalq və regional gündəlikdəki aktual məsələlər üzrə Rusiya və İran arasında koordinasiyanın yüksək səviyyədə saxlanması dəstəklənib.

“Hər iki tərəfin siyasi və diplomatik əməkdaşlığın, eləcə də ticarət-iqtisadi qarşılıqlı fəaliyyətin, o cümlədən nəqliyyat və logistika sektorunda,tranzit daşımalarda ardıcıl genişlənmədə maraqlı olduğu vurğulanıb”, – Rusiya XİN-in məlumatında vurğulanır.

Əvvəlki məqalə

İranın ələ keçirdiyi gəmidə 17 Hindistan vətəndaşı var

Sonrakı məqalə

Azərbaycanda istilik mövsümü başa çatır