ABŞ ordusu İranla beş ay davam edən müharibə zamanı yüksək dəqiqlikli uzaqmənzilli raket ehtiyatlarının böyük hissəsini istifadə edib.
AzPost xəbər verir ki, bu barədə Reuters agentliyi silah ehtiyatları ilə bağlı məlumatlı üç mənbəyə istinadən məlumat yayıb.
Bildirilib ki, söhbət əsasən ABŞ ordusunun arsenalında olan ATACMS (Army Tactical Missile System) və PrSM (Precision Strike Missile) tipli yer-yer raketlərindən gedir.
Mənbələrdən ikisinin sözlərinə görə, ABŞ bu silahların “demək olar ki, hamısını” İranla müharibə zamanı istifadə edib.
Agentliyin yazdığına görə, bu vəziyyət ABŞ-ın gələcəkdə yarana biləcək mümkün hərbi münaqişələrə hazırlığı ilə bağlı narahatlıqları artırıb.
Qeyd olunur ki, uzaqmənzilli yüksək dəqiqlikli raketlər ABŞ ordusunun əsas zərbə vasitələrindən hesab olunur və onların ehtiyatının əhəmiyyətli dərəcədə azalması hərbi planlaşdırma baxımından diqqətlə izlənilir.
