İraqda bütün dövlət qurumlarının fəaliyyəti dayandırılıb

İraq parlamenti etirazçılar tərəfindən zəbt edildikdən sonra ölkədə siyasi gərginlik yaranıb.

AZƏRTAC xəbər verir ki, İraqın baş naziri Mustafa Əl-Kazımi xəstəxanalardan başqa bütün dövlət qurumlarının fəaliyyətini dayandırdığını bəyan edib. O, siyasi və dini qrupları dialoqa çağırıb.

Etirazçılar Baş nazirinin istefa verməsini və yeni Baş nazirin seçilməsini tələb edirlər.

İraq mətbuatı yazır ki, başqa dövlətlərin İraqın daxili işlərinə qarışması nəticəsində daxili siyasi mübarizə gərgin xarakter alıb. Siyasi partiya və dini qruplaşmalar konsensus əldə edib yeni hökumət qura bilərlər. Lakin kənar qüvvələrin İraq uğrunda mübarizəsi gərginləşdikcə, daxili qüvvələrin də siyasi hakimiyyət uğrunda mübarizəsi gərgin xarakter alır və dialoq arxa plana keçib.

Hələlik etirazlar davam edir və siyasi qüvvələr danışıqlar masası arxasında oturmaq fikrində deyillər.

Əvvəlki məqalə

“Qarabağ”ın oyununa 4 saata 13 min 500 bilet satıldı

Sonrakı məqalə

Azərbaycanda son sutkada 434 nəfər COVID-19-a yoluxub