HƏMAS terror təşkilatı Qəzza zolağında İsrail vətəndaşlarını ələ keçirib.
Azpost.info “Yerusalim Post”a istinadən bildirir ki, İsrail ordusu (SAXAL) bu məlumatları təsdiqləyib.
Axşam saatlarında Səhiyyə Nazirliyi tərəfindən ən azı 100 nəfərin öldüyü və 900-dən çox adamın yaralandığı elan edilib. Əsir düşənlərin sayı hələ ki, təsdiqlənməyib.
HƏMAS terrorçuları ölkəyə daxil olaraq İsrailin cənubundakı şəhərləri ələ keçirib.
SAXAL-ın məlumatına görə, 2000-dən çox raket atılıb. Yerusəlimdə, Tel-Əvivdə və İsrailin cənubunda bir neçə dəfə sirenlər səslənib.
Ölkənin hər yerində sığınacaqlar açılıb.
Aşkelonda bir binaya birbaşa zərbə endirilib. Şəhərdə onlarla avtomobil də yanıb. Aşkelonun və ətrafının bir çox ərazisi işıqsız qalıb.
Baş nazir Benyamin Netanyahu müharibə vəziyyəti elan edib. İsrail ordusunun “Dəmir Qılınclar” əməliyyatına başlayıb.
Azpost.info
