İsrail İran ərazisinə irimiqyaslı hücum həyata keçirib.
AzPost bildirir ki, Tehranda yaşayış məntəqələri, İsfahan və Şirazdakı hərbi obyektlər və SEPAH qərargahı vurulub.
“Əl-Cəzirə” bildirir ki, iyunun 15-də günorta saatlarında İsrail qüvvələri İranın bütün radar sistemlərini istehsal edən Şiraz Electronics Industries zavoduna zərbələr endirib. Bundan əlavə, İDF-nin Tehranın qərbində yerləşən Mehrabad hava limanına da hücum etdiyi bildirilir. İsrail İsfahanda dron zavoduna hücum edib.
Bundan əlavə, İsrailin zərbələri Tehrandakı Kəşfiyyat Nazirliyinin binasına da düşüb və SEPAH-ın qərargahı da hücuma məruz qalıb. İsrail ordusu Tehranın şimalında və mərkəzində yaşayış məntəqələrinə də zərbələr endirib.
Ölənlər barədə məlumat yoxdur.
İsrailin silsilə zərbələrindən sonra “Kətaib Hizbullah” qruplaşmasından olan iraqlı İran tərəfdarları bəyanat yayıblar. Mehr xəbər agentliyinin məlumatına görə, onlar ABŞ-ın bölgədəki hərəkətlərini “yaxından izləyirlər” və ABŞ-ın bütün dünyada “maraqlarına və bazalarına” hücum etməyə hazır olduqları barədə xəbərdarlıq ediblər.
