İsrail ordusu Qəzzanın şimalındakı Şati bölgəsində HAMAS liderlərinə hücum etdiyini açıqlayıb.
Bu barədə Qətərin “əl-Cəzira” telekanalı İsrail mediasına istinadən məlumat yayıb.
“Qüvvələrimizə qarşı olan təhlükəni aradan qaldırmaq üçün Qəzza şəhərinə hava hücumunda HAMAS liderlərini hədəf aldıq. Biz HAMAS-ın 4 liderini hədəf aldıq. Onlardan biri bölük komandiri, 3-ü isə tabor komandiri idi. Hədəf alınan HAMAS liderləri Qəzzada qüvvələrimizə qarşı terror hücumu planlaşdırırdılar”, – İsrail ordusunun açıqlamasında deyilir.
