“İsrail Rusiyaya qarşı müharibədə Ukraynaya bilinəndən daha artıq dəstək verir”.
Azpost.info xəbər verir ki, bunu İsrailin Almaniyadakı səfiri Ron Prosor deyib.
“İsrail Ukraynaya kömək edir, amma pərdə arxasında və məlum olandan daha çox”, – diplomat bildirib.
O, ölkəsinin bu məsələdə tutduğu təmkinli mövqeyi başa düşməyə çağırıb.
“Bildiyiniz kimi, İsrail ordusu mütəmadi olaraq İrandan Suriya və Livana silah tədarükünün qarşısını alır. Onların arasında Rusiyanın Ukraynada istifadə etdiyi İran pilotsuz təyyarələri və raketləri də var”, – Prosor qeyd edib.
Səfir əlavə edib ki, İsrailin sakit davranmağa məcbur olması həm də Rusiyada böyük yəhudi icmasının olması ilə bağlıdır.
“İsrail hakimiyyəti dəfələrlə Rusiyanın Ukraynadakı işğalçı müharibəsini pisləyib və yanvarın 19-da yeni xarici işlər naziri Eli Koen Kiyevi humanitar yardımın davam etdiriləcəyinə əmin edib. Ümumilikdə isə İsrail kifayət qədər ehtiyatlı mövqe tutur və Ukraynaya silah tədarükünü qəti şəkildə rədd edir”, – dpa agentliyi qeyd edir.
Azpost.info
