İstanbulda güclü yağış Suriya vətəndaşını öldürdü

İstanbulda güclü yağışlar 1 nəfərin ölümünə səbəb olub.

Trend-in məlumatına görə, bu barədə İstanbul vilayətinin qubernatoru Əli Yerlikaya deyib.

Ə.Yerlikaya bildirib ki, Esenyurt rayonunda yağan güclü yağış nəticəsində Suriya vətəndaşı həlak olub.

Qubernator əlavə edib ki, bir neçə nəfər yerli xəstəxanalara aparılıb, onların vəziyyəti yaxşıdır.

Daha əvvəl su qasırğası güclü yağışlarla birlikdə İstanbulun bəzi bölgələrində daşqınlara səbəb olub.