İsveç hökuməti növbədənkənar iclasında Ankaranın tələbinə uyğun olaraq PKK tərəfdarını Türkiyəyə ekstradisiya etmək qərarına gəlib.
Azpost.info info xəbər verir ki, bu barədə İsveçin SVT kanalı məlumat yayıb.
Söhbət 2013-cü ildə narkotik cinayətinə görə məhkəmə tərəfindən 4 il 7 ay müddətinə azadlıqdan məhrum edilən 35 yaşlı Türkiyə vətəndaşından gedir. Şərti azadlığa buraxıldıqdan sonra o, qanuni şəkildə Türkiyəni tərk edib və İsveçdə iş icazəsi alıb.
İsveç Ali Məhkəməsi ekstradisiya qanununa və Avropa İnsan Haqları Konvensiyasına uyğun olaraq onun Türkiyəyə ekstradisiyasına heç bir maneənin olmadığı barədə qərar çıxarıb.
Məlumata görə, bu, İsveçin NATO-ya üzv olmaq üçün müraciətindən sonra PKK tərəfdarının Türkiyəyə ilk ekstradisiyasıdır.
Azpost.info
