Şəxsi gigiyena məhsulları istehsalçısı “Essity” Rusiyanı tərk edir.
Azpost.info xəbər verir ki, bu barədə şirkətin baş direktoru Maqnus Qrot məlumat verib.
Onun sözlərinə görə, Rusiyadakı aktivləri təxminən 147 milyon dollar dəyər itirib. “Essity”nin məhsullarına “Libero” uşaq bezləri, “Libresse” gigiyena məhsulları, tualet kağızı, kağız dəsmallar,”Zewa” və “Tork” dəsmalları və salfetləri, həmçinin antiseptik əl gelləri və sabunları daxildir.
“Essity” baş ofisi Stokholmda yerləşən beynəlxalq şirkətdir. 1994-cü ildən Rusiyada işləyən şirkətin bu ölkədə üç fabrik var və onlarda 1300-ə yaxın insan çalışır.
Azpost.info
