İsveç və Finlandiya müdafiə sahəsində əməkdaşlığı genişləndirir.
Skandinaviya ölkələri nazirlərinin Reykyavikdə keçirilən görüşü çərçivəsində iyunun 8-də İsveçin müdafiə naziri Peter Hultqvist və onun finlandiyalı həmkarı Antti Kaykkönen müvafiq sənədi imzalayıblar. Yeni saziş, iki ölkənin birgə fəaliyyət imkanlarının gücləndirilməsini nəzərdə tutmaqla yanaşı, İsveç və Finlandiyanın lazım gəldikdə bir-birinə dəstək verilməsini də nəzərdə tutur.
Sənəd iki şimali Avropa ölkəsinə sülh, böhran və müharibə dövründə hərbi əməliyyatlar və əməkdaşlıq üçün də daha geniş imkanlar verir.
“İsveç və Finlandiya arasında müdafiə sahəsində əməkdaşlığa gəlincə, onun məqsədi bir-birimizin ərazisində, o cümlədən birgə əməliyyatlar çərçivəsində hərəkətlər üçün daha yaxşı şərait yaratmaqdır. Buna görə də hərbi dəstək vermək və almaq bacarığı çox vacibdir. Müqavilə bizim burada və indi, eləcə də NATO-ya üzv olduqdan sonra birgə fəaliyyət göstərmək qabiliyyətimizi təkmilləşdirəcək”, – deyə İsveçin müdafiə naziri Peter Hultqvist bildirib.
