Bələdiyyələr
“Tərəqqi” Sosial Tədqiqatlar İctimai Birliyi 08.07.2025-cü il tarixdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Sabirabad rayonun ucqar kəndlərini (Yenikənd, Quruzma, Yolçubəyli) əhatə edən “Kənd sağlamlığı günləri” adlı seminar keçirmişdir.
Seminar zamanı Sabirabad rayonun ucqar kəndlərindən (Yenikənd, Quruzma, Yolçubəyli) olan 20 nəfərdən artıq fəal sakinlər arasında , QİÇS əleyhinə və eləcədə vərəm və onun yoluxma yolları ilə bağlı təbliğat işləri aparılmış, HİV və Vərəm əleyhinə məlumat matrialları paylanılmışdır.
Seminarda Sabirabad Rayon İcra Hakimiyyəti başçısının birinci müavini Həsən Həsənov, RİHB-nin müavini – İctimai-siyasi və humanitar məsələlər şöbəsinin müdiri Ceyran Xəlilova, RİHB aparatının əməkdaşları, “Tərəqqi” Sosial Tədqiqatlar İB-nin sədri Calal Əmənov, ziyalılar və fəal kənd sakinləri iştirak etmişdir.
Tədbiri giriş sözü ilə açan layihənin rəhbəri, “Tərəqqi” Sosial Tədqiqatlar İB-nin sədri Calal Əmənov layihənin məqsədi, hədəfləri və təşkilat barədə iştirakçılara ətraflı məlumat verib. Tədbir şəhidlərin xatirəsinin bir dəqiqəlik sükutla yad edilməsi ilə başlayıb.
Daha sonra seminarda çıxış edən mütəxəsis həkim «HİV-in erkən aşkar olunması və müalicə profilaktikası istiqamətində görülən işlər», «Azərbaycanda İİV-QİÇS-lə bağlı vəziyyət, profilaktika tədbirləri və qorunma yolları» mövzusunda ətraflı məlumat verdi.
Sonda mövzular ətrafında diskussiyalara start verildi. Gənclər onları maraqlandıran suallara dolğun cavablar aldılar.
