Çeçenistan lideri Ramazan Kadırovun bir müddət öncə Ukraynada döyüşməyə göndərdiyi övladları- 14 yaşlı Adəm, 15 yaşlı Əli və 16 yaşlı Əhməd Qroznıya qayıdıblar.
Azpost.info bildirir ki, bu barədə R.Kadırov özünün “telegram” kanalından paylaşım edib. Kadrlardan görünür ki, çeçen döyüşçüləri Kadırovla görüşə özləri ilə birgə bir neçə ukraynalı hərbi əsir gətiriblər.
Kadırovun övladları başlarına kisə keçirdikləri hərbi əsirləri atalarına “hədiyyə” kimi təqdim ediblər.
“Top mərmisi üçün “ət”… Bu nəyə lazımdır? İki slavyan qardaş arasında bu müharibə nəyə lazımdır? Özləri Kiyevdə oturub gəzir amma.. Nə üçün döyüşürük? Bax, nə üçün döyüşürdün?”, – deyə Kadırov əsirlərə sual verib. Onlar “heç nə üçün” cavabını verib. Kadırov ukraynalı hərbi əsirlərdən silah təminatı və təchizat barədə də suallar verir.
