Kanada hakimiyyəti insan hüquqlarının pozulmasında əli olduğuna görə 7 iranlı hakimi sanksiya siyahısına daxil edib.
AZƏRTAC xəbər verir ki, bu barədə Kanada Xarici İşlər Nazirliyinin saytında yerləşdirilən məlumatda deyilir.
Bəyanatda bildirilir ki, Kanadanın antiİran sanksiya siyahısında yer alan yeni müttəhimlər İslam İnqilabı Keşikçiləri Korpusu (SEPAH, İran Silahlı Qüvvələrinin elit bölmələri) ilə əlaqəlidirlər. Siyahıda olan İran vətəndaşlarının Şimali Amerika ölkəsinə girişi qadağan ediləcək və onların Kanadadakı mümkün bank hesabları dondurulacaq.
Bundan əvvəl Kanada İrandakı keçmiş etirazlar fonunda onlarla fiziki və hüquqi şəxsi, o cümlədən SEPAH üzvlərini sanksiyalar siyahısına daxil edib. Bundan əlavə, “Shahed” və “Mohajer-6” pilotsuz uçuş aparatları istehsal edən “Shahed Aviation Industries” və “Qods Aviation Industries” də sanksiyalara məruz qalıb.
