“Rusiya prezidenti Vladimir Putinin KXDR lideri Kim Çen Inla “Vostoçnı” kosmodromunda baş tutan görüşü müharibənin Rusiya üçün necə getdiyi barədə çox şey deyir”.
Azpost.info xəbər verir ki, ABŞ Dövlət Departamentinin rəsmisi Metyu Miller 2019-dan bəri ilk dəfə keçirilən Rusiya-Şimali Koreya liderlərinin görüşünü belə qiymətləndirib.
“İl yarım əvvəl Putin Rusiya imperiyasının şöhrətini bərpa edəcəyini düşünərək müharibəyə başladı. Lakin o, bütün maksimalist, imperialist məqsədlərində uğursuzluğa düçar oldu və indi on minlərlə rus əsgərini itirdikdən və milyardlarla dollar xərclədikdən sonra kömək üçün Kim Çen Ina yalvarır”, – Miller deyib.
ABŞ-da olan məlumatlara görə, Putin KXDR-dən Ukraynanın işğal olunmuş ərazilərini saxlamaq üçün silah-sursat almaq niyyətindədir: “Düşünmürəm ki, Putin müharibəyə başlayanda il yarım ərzində bütün dünyadan nəsə xahiş edəcəyini və Kim Çen Indan kömək istəməli olacağını ağlına gətirmişdi”.
Miller əlavə edib ki, buna cavab olaraq Rusiya KXDR-ə yardım göstərməyə məcbur olacaq ki, bu da Moskvanın özünün səs verdiyi BMT Təhlükəsizlik Şurasının qətnaməsini pozacaq.
Azpost.info
