Keçən həftə ərzində 4,2 milyona yaxın insan koronavirus infeksiyasına yoluxub, 13 mindən çox insan bu xəstəlik səbəbindən ölüb.
Ümumdünya Səhiyyə Təşkilatının (ÜST) xəbər verir ki, ötən yeddi günlə müqayisədə yoluxma hallarının sayı 12 faiz, ölüm hallarının sayı isə 5 faiz azalıb.
Xəstəliyə yoluxma hallarının sayında əhəmiyyətli azalma xüsusilə Şərqi Aralıq dənizi regionu (29 faiz), Cənub-Şərqi Asiya (22 faiz) və Avropada (15 faiz) qeydə alınıb. Ölüm hallarının sayı əhəmiyyətli dərəcədə Cənub-Şərqi Asiya (24 faiz) və Avropada (22 faiz) azalıb. Eyni zamanda, ölüm hallarının sayı Afrika (14 faiz), Amerika (6 faiz) və Qərbi-Sakit Okean regionunda (5 faiz) artıb.
ÜST-nin məlumatına görə, Yaponiya həftə ərzində ən çox – 1 164 787 yoluxma halının olması barədə məlumat verib. Daha sonra ABŞ (586 509), Koreya Respublikası (585 374), Rusiya (323 500) və Çin (238 044) yer alıblar. ABŞ-da yeddi gün ərzində ən çox – 3 558 ölüm halı qeydə alınıb. Ondan sonra Yaponiya (2 059), Braziliya (865), Rusiya (628) və Koreya Respublikası (524) qərarlaşıb, deyə ÜST-nin bülletenində qeyd olunur.
