“Mahaçqala hava limanında baş verənlər Qərbin Rusiyanın daxili işlərinə müdaxiləsinin nəticəsidir”.
Azpost.info xəbər verir ki, bunu Kremlin sözçüsü Dmitri Peskov deyib.
“Aydındır ki, Mahaçqala hava limanı ətrafında dünən baş verən hadisələr əsasən kənar müdaxilələrin, o cümlədən kənardan informasiya təsirinin nəticəsidir”, – Peskov bildirib.
Onun sözlərinə görə, uşaqların və qocaların öldüyü Qəzza zolağından çəkilən televiziya görüntüləri fonunda pis niyyətlilərin vəziyyətdən sui-istifadə etməsi, insanları həyəcanlandırması çox asandır.
Peskov qeyd edib ki, dünən axşamdan etibarən Rusiya prezidenti Vladimir Putin Dağıstandakı vəziyyətlə bağlı FTX, Rusiya Qvardiyası və Dağıstanın rəhbəri Sergey Melikovdan hesabatlar alır.
Azpost.info
