“Bütün məsələləri razılaşdıra bilməsək də, Ermənistan KTMT-nin üzvlüyündə qalacaq”.
Azpost.info bildirir ki, bu sözləri Kremlin mətbuat katibi Peskov jurnalistlərə açıqlamasında deyib.
Onun sözlərinə görə, KTMT liderləri Ermənistanda sülhməramlı misisyanın uzadılması, həmçinin Ermənistan və Azərbaycan arasında sülh sazişinin taleyini müzakirə ediblər. “Bu məsələ açıq şəkildə, birbaşa və konstruktiv şəkildə müzakirə olundu. Bütün məsələləri razılaşdırmaq mümkün olmadı, amma müəyyən nüanslar var”-deyə Peskov bildirib.
Onun sözlərinə görə, KTMT tələb olunandır və vacib qurumdur.
Peskovun sözlərinə görə, Rusiya erməni-azərbaycanlı münasibətlərinin tənzimlənməsində mühüm rol oynayır və yardım etməkdə davam edəcək: “Heç kim Ermənistanla Azərbaycan arasında sülh müqaviləsinin imzalanması üçün hansısa tarix qoymağa cəhd etmir, əsas odur ki, imzalansın və həyat qabiliyyəti olsun”.
“Əsas odur ki, Ermənistan və Azərbaycan sülh sazişi barədə razılığa gəlsinlər. Hamı bir-biri ilə rəqabət aparmadan buna maksimum səy göstərməlidir”-deyə Kremlin rəsmisi bildirib.
Azpost.info
