Kürdəmir bazarında güclü yanğın olub –

12 mağaza yanıb
02 Sentyabr 2019 - 08:47

Kürdəmirdə bazarda güclü yanğın baş verib.

Azpost.info APA-ya istinadən bildirir ki, hadisə rayonun H.Əliyev prospektində yerləşən bazarda qeydə alınıb.

Fövqəladə Hallar Nazirliyi Kürdəmir rayonunda baş vermiş yanğın barədə məlumat yayıb.

Nazirliyin yaydığı məlumata görə, hadisə zamanı ümumi sahəsi 12350 m² olan Bazar MMC-nin ərazisində 800 m² sahədə 12 mağaza yanıb. 11550 m² ərazi və 170 mağaza yanğından mühafizə olunub. Yanğın zamanı xəsarət alan olmayıb.

Yanğın yanğından mühafizə bölmələri tərəfindən söndürülüb.​