Latviya Seymi liberal-mühafizəkar “Yeni Birlik” partiyasından olan Baş nazir Evika Silinanın rəhbərliyi altında yeni hökuməti təsdiqləyib.
Azpost.info xəbər verir ki, 48 yaşlı hüquqşünasın rəhbərlik etdiyi Nazirlər Kabinetini 100 deputatdan 53-ü dəstəkləyib, 39 deputat isə əleyhinə səs verib.
Yeni hökumət koalisiyasına “Yeni Birlik”lə yanaşı, Yaşıllar və Kəndlilər İttifaqı və sol mərkəzçi Tərəqqi Partiyası da daxildir.
Parlamentdə çıxış edən Evika Silina Latviyanın müdafiə büdcəsini artıracağını və Ukraynanı dəstəkləməyə davam edəcəyini vəd edib.
“Biz müdafiə büdcəsini artıracağıq və silahlı qüvvələrimizi gücləndirəcəyik. Eyni zamanda biz Ukraynanı dəstəkləyəcəyik”, – Silina deyib.
Azpost.info
