Litvada Rusiya və Belarusun dövlət KİV-lərinə qadağa qoyulacaq

Litvada Rusiya və Belarusun dövlət mediasının qadağan edilməsi təklif edilib.

Azpost.info xəbər verir ki, müvafiq təşəbbüsü Litva Seyminin Mədəniyyət Komitəsinin sədri Vitautas Yuozapitis irəli sürüb.

Onun sözlərinə görə, Rusiya və Belarus tərəfindən yaradılan, birbaşa və ya dolayı yolla idarə olunan və ya maliyyələşdirilən KİV-lərlə bağlı tədbir görülməlidir. Və bu tədbirlər “İctimai informasiya haqqında” qanuna dəyişikliklərdə əksini tapacaq.

“Həm Rusiya, həm də Belarusla xarici sərhədi olan Litva üçün cəmiyyəti və informasiya məkanını informasiya təhdidlərindən səmərəli şəkildə qorumaq son dərəcə vacibdir”, – Yuozapaitis bildirib.

Azpost.info

Əvvəlki məqalə

“Si Cinpin Putinlə birgə yenidən dünya arenasına qayıdır”

Sonrakı məqalə

“Patrul.az” xəbər portalının təsisçisi barəsində cinayət işi başlanıb