Belarus prezidenti Aleksandr Lukaşenko fevralın 28-də Çinə səfər edəcək.
Azpost.info xəbər verir ki, bu barədə Belarus prezidentinin mətbuat xidməti məlumat yayıb.
Martın 2-dək davam edəcək səfərdə Lukaşenko Çin rəhbərliyi ilə ikitərəfli münasibətlərin bütün spektrini və beynəlxalq məsələləri müzakirə edəcək.
“Əsas diqqət ticari-iqtisadi, investisiya və humanitar əməkdaşlığın inkişafına, birgə irimiqyaslı layihələrin həyata keçirilməsinə, siyasi sahədə qarşılıqlı fəaliyyətə, mövcud beynəlxalq şəraitdə ən kəskin çağırışlara cavab verməyə yönəldiləcək”, – məlumatda deyilir.
Lukaşenko Pekində aparıcı Çin korporasiyalarının rəhbərləri ilə də görüşlər keçirəcək.
Azpost.info
