Belarus lideri Aleksandr Lukaşenko “Vaqner”çiləri ölkəsindən çıxarmaqdan imtina edib.
Azpost.info xəbər verir ki, o, Polşa və Baltikyanı dövlətlərin hakimiyyət orqanlarının müvafiq müraciətlərini “axmaqlıq” adlandırıb.
Bundan başqa, Belarus Təhlükəsizlik Şurasının bugünkü iclasında Lukaşenko qonşu Aİ ölkələrini müdafiə büdcələrini artırmaqda və böyük hərbi birləşmələri Belarusla sərhədə çəkməkdə ittiham edib.
“Cavab sadədir: nə Polşada, nə Litvada, nə də digər Baltikyanı ölkələrdə bir nəfər də olsun əcnəbi hərbçi olmalıdır. O zaman bizə də burada başqa ölkələrin hərbçilərinin olmaması ilə bağlı müraciət edə bilərlər”, – Lukaşenko deyib.
Azpost.info
