Luvr muzeyi dünənki qarətdən sonra yenidən açılmayıb. 60 nəfərdən ibarət müstəntiq qrupu cinayəti törədənlərin tapılması üçün çalışır.
AzPost bildirir ki, istintaq aparıcı versiya kimi hesab edir ki, Fransanın əsas muzeyinə səhər saatlarında hücum təşkil edilmiş cinayətkar qrup, ehtimal ki, əcnəbilər tərəfindən planlaşdırılıb və həyata keçirilib.
Müstəntiqlər müəyyən ediblər ki, oğrular bazar günü səhər saat 9:30-dan 9:40-a qədər muzeyin ziyarətçilərə açılmasından az sonra gəliblər. Onlar binanın qarşısında adətən mebel qaldırmaq üçün istifadə edilən nərdivanlı bir yük maşını saxlayıblar. Bir neçə dəqiqə ərzində onlar nərdivanla qalxaraq Apollon Qalereyasına giriblər. Qiymətsiz eksponatları ələ keçirdikdən sonra skuterlə qaçıblar.
Qarət zamanı 19-cu əsrə aid doqquz zinət əşyası, o cümlədən, imperator Yevgeninin tacı oğurlanıb, amma oğrular qaçarkən tac yerə düşərək zədələnib. Ttac sonda tapılıb.
Oğurlanmış əşyaların dərc olunmuş siyahısına Napoleonun həyat yoldaşı imperatriça Mari-Luizə verdiyi zümrüd və brilyant boyunbağı, bir vaxtlar İmperator Yevgeniye məxsus, təxminən 2000 brilyantla bəzədilmiş boyunbağı və bir zamanlar Fransanın sonuncu kraliçası Mari Amaliyaya məxsus boyunbağıda səkkiz sapfir və 631 brilyant var.
Ədliyyə naziri Gerald Darmanin France Inter radiosuna verdiyi müsahibədə bildirib ki, “ciddi uğursuzluğa düçar oublar”.
Bu oğurluq 1998-ci ildə Kamil Korotun rəsmi Luvrdan oğurlandıqdan sonra ilk dəfədir.
