Gürcüstanın Konstitusiya Məhkəməsi prezident Salome Zurabişvilinin hökumətin icazəsi olmadan xarici səfərlərə getməsini konstitusiyanın pozuntusu kimi qiymətləndirib.
Azpost.info xəbər verir ki, bununla da hakim “Gürcü Arzusu – Demokratik Gürcüstan” partiyasının prezidentin impiçmenti ilə bağlı təqdimatı təmin edilib.
Konstitusiya Məhkəməsinin sədri Merab Turava məhkəmənin qərarını canlı efirdə oxuyub.
Konstitusiya Məhkəməsi müəyyən edib ki, Gürcüstan prezidenti Salome Zurabişvili 2023-cü il 31 avqustda, 1 sentyabrda və 6 sentyabrda xaricə işgüzar səfərlər zamanı beynəlxalq münasibətlər sahəsində nümayəndəlik hüquq və səlahiyyətlərini dövlət başçısının razılığı olmadan həyata keçirib. Bununla da Gürcüstan Konstitusiyasının 52-ci maddəsinin 1-ci hissəsinin “a” yarımbəndini pozub.
Gürcüstan parlamentində bu həftə prezidentin impiçmenti ilə bağlı səsvermə keçiriləcək.
Azpost.info
