Gürcüstanın keçmiş prezidenti Mixail Saakaşvili Rusiya casusları tərəfindən zəhərləndiyini deyib.
Azpost.info xəbər verir ki, Saakaşvili bu barədə “Politico”ya müsahibəsində bildirib.
Onun sözlərinə görə, rus casusları Gürcüstanın təhlükəsizlik xidmətlərinə soxulublar: “Mənə zəhər vurduqları günü yaxşı xatırlayıram, az qala öləcəkdim. O vaxtdan səhhətim pisdir”.
Eks-prezident həmçinin bildirib ki, “Gürcü Arzusu” partiyasının yaradıcısı Bidzina İvanişvili Gürcüstanı Moskvanın göstərişi ilə ələ keçirib.
Saakaşvili müalicə olunduğu “Vivamed” klinikasını da ittiham edib: “Burada müalicə ilə bağlı əsas qərarları həkimlər yox, təhlükəsizlik xidməti verir”.
Azpost.info
